مــدخل...ِ
عساك بخير يا حلم الموادع بـ روح الغريب
بعيد...ايه بعيد لكن لـ قلبي بـ الحيل قريب
جيتك على غفله وأضم عينك حتى ما تشوف
طفلتك فيها شقاوه وفيني رووف
ايه بـ تأمل بسمتك وقلبك شغوف
يا سعادة دنيتي لا لمست فرحتك داخل الجوف
هات يدك باخذك لـ هذاك المكان
فيه ورد..وفيه نهر...وفيه أسراب الحمام
شايف الورد يا حلو منظره...‘‘
وشوف النهر كيف عذب مصدره...‘
وهناك بين الحمام حمامه وحيده باين مكدره...‘‘
وشفيك...ليه ساكت جاوب علي؟...
ما تعرف ما أحب تتأخر بردك لي؟....
ما ترد...عادي ما ترد...عودتني أوصل هناك وألتفت ولا ألقى لك أثر
علمتني أفرح...أطير...لاكن ما يبقى خاطري كسير..‘‘
علمتني ما أضعف لا وصلت لـ حلمي أشوفك قدام عيني مثل الحمام تطير
علمتني أبــتسم لا سمعت إسمك ونبض قلبي يهلل لك ولك يرتاح مجرى الزفير
يا كثر ما علمتني حكمة صبر‘‘..لا تظن إن غبت عنك روحي مو معاك
قلبي وطن وكلي احساس بـيمناك...‘‘
لكن نسيت تعلمني كيف أتصنع إن قلبي لك هجير
كيف يرسم لك إنه لـ غيرك حبه وفير
كيف ما يحسسك إني لـ وصلك لـ خالقي ما أستجير
جد غريبه دنيا بها الحلم يمضي كسير
أحلى وجود...غمض عيونك ولا تفكر وش يصير
دنيا غريبه القلوب لـ طيب قلبك تشعل السعير
مخـــرج...ِ
هلابك يا فرح حلمي لـ قلبي وطن حبيب
إسكن محجر عيوني لاكن عني لا تغيب
ليست هناك تعليقات:
إرسال تعليق