ماخذ على خاطري مِنك بالذات
محد(ن) سِكن قلبي بِدالك
ليه لِيا ذِكرتك تخنقني العبرات
وأَنا بِدنيتك لا جَوِّك صِفالك!...
يا صاحبي ياما نخيتك والصدا فات
منهو بعد قلبي ألحين وِفالك؟
ليه تكسرني وأَنا كلي شتات
وليه أَحلم بِك وأُوصل لـ جالك؟...
عَوَّدتني ليا ضِقت أَعد لِي نجمات
كُود أَستبيح مِنه(ن) حدود وِصالك
دامت بي العبره والصوت داخلي مات
ليا ذِكرت إِسمك وطافتني ظِلالك
لالالا تِعاود وتنبش مافات
قلبي دِميم ولا فاده خيالك
إِتركني للماضي وكل ماهو آت
عَوَّدتني أَبكي ليا وَقّفت على أَطلالك
لاحت في سِماي غِيوم(ن) ماطِرات
حَنّيت لـ قلبك وإِنت ماعشت لـِ حالك
ياما عطيتك ولا قلت لك هات
بعد ما قَلَّطتك قلبي وبالحب بَهَّرت دِلالك
الجوف تَدْميه حشرجة الحروف حزّات
لا طَــــرا إِسمـــك واحــــــد مِـــــــن عِــــــــيالك
.............لا طَرا إِسمك واحد مِن عِيالك
............................لا طَرا إِسمك واحد مِن عِيالك
ليست هناك تعليقات:
إرسال تعليق